前政務司司長陳方安生11月中自爆，同捲入公職人員行為失當罪嘅前特首曾蔭權聚會，原來趁住聖誕節前夕，陳太同前行政局成員gathering，煲呔亦在席。陳太（圖）噚日同傳媒聚會時話呀，身為煲呔多年朋友，最希望呢件案能盡快了結，形容近日見到煲呔曾時，佢仍然係「精神壓力好大」、「心事重重」，自己同一班朋友席間已盡量開解煲呔，覺得煲呔因為有宗教信仰，所以都有啲幫助。
陳太又話，屋企人係煲呔「精神上嘅食糧」，佢不諱言唔係人人同煲呔都咁夠朋友㗎，從有啲人見到煲呔時嘅表現，就覺得有啲人「好現實」。八方聽聞煲呔前晚同老婆去過山光道馬會開餐，有人見到兩人愁眉深鎖，而煲呔嘅案件今日再提訊吖嘛。