禮拜六沙田七草三泥賽事，草地用最狹窄之C加3欄，睇番最近11月8日同一移欄賽事，後追馬表現絕對唔蝕底，尤其係尾段場次，當日最後三場賽事頭馬「最新鮮」、「吉祥」及「天才」俱沿途貼欄居於中後位置，入直路憑後勁衝贏對手，故此擅爆一段嘅馬可以優先留意。
今戰列陣馬中，第四場「真慷慨」兩次角逐田C加3欄1600米獲一冠一殿，留住衝一段可偷襲。另外，第九場「最新鮮」上仗正是於C加3欄贏馬，勝後等番同一移欄再跑，續配田泰安可再下一城。
另外，最近一次周六跑泥地係10月10日，當日兩匹泥地頭馬「永得米」及「頌友」俱擺前帶到，所以七場「老友記」及尾場「卓爾名駒」等擅跑泥地之前置馬可秤先。