臨近年尾，一如以往，有一大堆新股「趕死線」要於年底前招股上市，令市場充斥着質素良莠不齊的新股，投資者眼花撩亂。與券商高層午餐，該高層居然跟密西比說，縱然有很多不同種類新股「應市」，但近期其實卻出奇地清閒，主要工作居然是「清假」，與及找個好地方食聖誕大餐。
券商高層說：「嗰堆所謂新股，驟眼睇好似各有賣點，又醫療又富豪有份又中國概念咁樣樣，但睇真啲，其實隻隻都有唔同問題，有啲似乎生意到咗頂，有啲擺明想借上市散水同啤殼，有啲仲得人驚，由於公司嘅內地債仔根本還唔到錢，幾可篤定上市後業績必大走樣，你話呢堆新股點推畀啲客買？咁我又點會有嘢做？」
香港「假假地」是2015年全球集資額最高證券市場，居然用「死貨」壓軸？券商高層指，可以的話無保薦人想「做臭個朵」，只是身不由己。他說：「一句到尾，大家共識係出年個市好唔得，所以無論隻新股幾咁唔啱上市，個市場反應幾咁唔得，有幾咁唔鍾意，上到市嘅就即刻上，到第時當生意唔得，都叫有隻殼揸手。」
生意淡薄，又是時候裁員？該高層說：「你check緊啲啦。」本篇是2015年最後一篇《樂香園》，下周起將休息兩周，2016年1月4日再與大家見，在此謹與海迪，預祝各位聖誕快樂，新年進步。
密西比