曾於經典電影《英雄本色》中飾演大奸角譚成的香港藝人李子雄，現身洛杉磯。他透露最近與周潤發再度合作拍電影，又大讚發哥多年來仍保持親民形象，「有巨星的味道」。
駐洛杉磯記者：林慧娟
現年55歲嘅李子雄，近年鮮有在港露面，上年就喺大台劇集《忠奸人》客串一角，以一年一部嘅部頭形式幫無綫拍劇。電影方面近5年都以內地拍戲為主，2010年更迎娶比佢細20年嘅回族姑娘王雅琦並定居北京。
而最近李子雄就去咗洛杉磯為好友嘅港式餐廳主持開幕儀式，佢話:「參加好友酒家開張儀式，今天晚上就要回去拍戲。」佢透露最近有機會同發哥周潤發再度合作拍電影，兩人曾於經典電影《英雄本色》合作，佢大讚發哥有巨星嘅咪道:「我在片中飾演發哥的師弟，合作挺愉快的，發哥那麼多年都沒什麼變，很親和平民，但還是有巨星的味道。」佢表示只要有合適工作，就會中港兩邊走。