區選過後，又要展望下年的立法會選舉。《壹錘定音》邀請民主黨林卓廷與公民黨楊岳橋，兩位泛民第二梯隊接受訪問，暢談對新東補選、立法會選舉的看法。
下年2月新東先有補選，接替前立法會議員湯家驊辭職的空缺。早前青年新政向公民黨去信要求進行初選，楊岳橋表示公民黨將在星期六，與青年新政再討論初選事宜。楊岳橋坦言︰「我比較想確認少少，我都仲未肯定佢當唔當公民黨係同路人，即大家如果唔係同路人，（初選）當然就比較困難少少。」而公民黨也會在星期日，開會員大會公佈委派出選的人選。
另外在來屆的立法會選舉，民主黨曾表示新東最多出兩張名單，主持李慧玲覺得安排不智，選情易有危機，林卓廷也表示按目前形勢，民主黨難出兩張名單，但黨內有不同意見︰「有啲會員想留返少少彈性，睇吓嚟緊幾個月，會唔會突然間民主黨嘅民望急升，（嗰啲會員係咪多數冇乜上網？）咁選民有上網同唔上網嘅。」
不過，如最後只得一隊出選的話，應該派劉慧卿還是林卓廷出選呢？林揚言會努力爭取代表民主黨出選新東，被問到是否與卿姐競爭時，他則稱「黨內有甄選機制，我呢個後輩向卿姐討教一下。」連在旁的楊岳橋也不禁指「都講得好白吓喎」。
林卓廷稱自己在高官反貪、樓宇維修及屋苑管理這些議題上，能吸納新票源，但對參選「超級區議會」議席則興趣不大，「冇打算，因為超區黨內多人才（即係新東冇人才？）我覺得更多人比我適合選超區。」
未來新東立法會選舉，民主黨會否出現參選新面孔，要拭目以待！