美國女足喺周三嘅友賽以0:1輸畀中國女足，而呢場波嘅焦點梗係美國前鋒雲芭芝啦！因為35歲嘅雲芭芝喺賽後就正式掛靴。直腸直肚嘅雲芭芝，喺賽前接受訪問時，就呼籲美國足總炒男足教練奇連士文魷魚，佢話：「奇連士文已經帶領咗美國隊四年，而且亦推行咗廣用雙重國籍球員嘅計劃四年，不過，喺呢四年，美國男足嘅進步就唔多，好對唔住，我認為美國足總應該炒佢！」