人逢喜事精神爽，講嘅係香港保齡球代表甘兆麟（右），月頭喺沙地阿拉伯攞完亞巡賽亞軍同世巡賽第四後，早幾日同女友Sarah去布吉旅行，28歲嘅兆麟噚日突然攞出一卡鑽戒求婚，佢話：「鑽戒一直放喺袋，睇感覺去求婚，女友感動到喊，我就好開心可以安心繼續打好啲波。」二人有共識會等兆麟退役後先結婚，至於幾時，至少2018亞運前唔會喇！