【本報訊】中環鏞記酒家母公司的清盤令昨凌晨生效，在案中敗訴的二少一方，昨到破產管理署處理清盤事宜。對於大少一方稱不排除買下鏞記商標，二少女兒甘蕎因謂「終於明白點解我哋買唔到對方嘅股份」，並指只要雙方都肯讓步，收購價可以調節。大少次子甘崇轅說商討的大門仍然開啟，但現無意主動反收購二少一方的股權。
記者：陸羽平 黃幗慧
二少甘琨禮的女兒甘蕎因及兒子甘連宏，昨早到破產管理署處理清盤程序。清盤程序中，鏞記現址可能會被拍賣，神情疲憊的甘蕎因說：「一切隨緣，我哋盡咗力都避唔到今日嘅厄運（清盤），以後日子有咩可以做，都會做，但可以做啲乜，暫時答唔到。」
二少女兒：明點解買唔到
甘蕎因事後指，得悉大少一方說不排除會買下鏞記商標，她無奈的說：「終於明白點解我哋買唔到對方嘅股份囉，原來佢哋有心買番我哋嘛，所以我哋咪冇機會買到囉。」她說不明白為何大少遺孀對二少的11.14億元開價不肯作正式回覆，有甚麼要求可以提出，只要是互相讓步，收購價多少少可以調節及考慮其他要求。
另一邊廂，開價13億元的大少甘健成一方，次子甘崇轅說仍抱可以和解的心態，「我哋嘅門係開緊嘅，歡迎對方繼續同我哋傾談，趁未清盤拍賣之前有個共識」、「始終如果大家仲有空間可以再行到，攞出嚟講」。但他表示無意主動買下二少一方所持的55%股權，若二少先開價，持有45%股權的他們才會考慮。
對於哥哥甘崇軒表示不排除買下鏞記商標，甘崇轅解釋，要待清盤程序完成後才處理，「如果有機會會考慮，但唔係呢一刻我哋想做到嘅嘢，將來發展係點，唔知道」。他強調只是買下商標這項資產，並非買下對方股權。
甘崇轅指媽媽梁瑞群原本只是一名主婦，但為亡夫取回公道，她「企得好硬」，雖然面對官司有哭過，但以平常心面對清盤一事，「佢瞓得着，問心無愧」。