唔少港人都鍾意幫襯嘅Uber，又有新搞作，喺網頁公佈搵嚟識講廣東話嘅鬼佬藝員河國榮做Uber明星司機（圖）。
Uber預告今午12點至3點，河國榮會喺西貢及九龍一帶隨機出現；乘客用Uber App叫車，可能會由河國榮駕車接載㗎。
網頁話明：「你話去邊就去邊，完全免費！」更加可以同「河國榮jam吓歌、夾吓戲、練吓廣東話」。嘩，坐一程車咁多嘢玩，真係免費？
Uber話，車程真係完全免費㗎，但當然有啲限制，就係每程只限最多兩個乘客，同時亦只限於西貢區以及九龍區嘅30分鐘車程。
過海客想見河國榮，睇吓佢手車點好法，暫時就未有機會嘞！