【TSA爭議】
【本報訊】教育局企硬拒撤全港性系統評估（Territory-wide System Assessment, TSA），被指漠視家長聲音。教育局昨晚舉行第二場TSA家長研討會，讓小學家長及教育局代表討論TSA安排，但部份出席的家長嘲諷歷時兩小時的研討會只是「洗腦公關騷」，直指原本可以互相討論的研討會演變為「有佢講冇我哋講」的單向式訓話會，批評教育局假諮詢。
記者：梁佩珊 麥志榮 林社炳
教育局昨晚於東莞工商總會劉百樂中學舉行第二場分區的TSA家長研討會，兩小時研討會原定晚上6時半開始，7時讓家長發言，但結果教育局一直簡介TSA的優處，直至7時50分才讓每位家長發言1分鐘，惹起家長不滿。研討會要求所有家長必須預先經學校登記，否則不予進場；教育局亦於現場派保安人員及工作人員做雙重防護措施，攔截未登記人士。
出席的蔡先生的兒子就讀小一，他批評TSA剝奪兒子學習機會，而今次研討會剝奪家長的發言機會，「本來官方發出嘅通告係7點開始畀家長發言，結果教育局嘅人一直洗腦式咁介紹TSA有幾好，但可惜洗唔到我哋腦。好多家長想舉手發言，但根本冇時間」。他嘲諷教育局發言人全場只讚揚TSA好處，「佢哋根本係sales，但唔專業，答家長問題冇句中point，可能佢哋冇操過TSA」。
資助小學校長達停考共識
何太孫女就讀小二，她同樣不滿研討會安排，「有佢哋講，冇我哋講，成個公關騷咁！」直指教育局代表的發言內容自以為是，「講到好似佢哋冇問題，係我哋有問題，（聖公會天水圍靈愛小學）校長孔偉成仲叫我哋『收聲，畀我講埋先』」。何太認為教育局安排欠缺誠意，無視學生休息時間，又無視家長意見。
記者取得研討會派發予家長的單張，通篇只敍述TSA重要性、題目設計、流程和優化方案，其他國家都有相類評估等，出席家長指兩小時研討會，當中個半小時就是講解人所共知的TSA設計。
資助小學校長會昨亦就TSA操練問題召開特別會員諮詢會，主席賴子文表示有逾100位校長出席，校長共識是暫停明年TSA評估。