近日網上好多人都晒自己對新的AJ XI 72-10出黎，記者就冇咁好彩，抽唔中，只有日日睇朋友的相葡萄。不過希望在昨天，昨日突然在波友們間傳這對靚鞋有大貨番到中環新開的JORDAN BRAND旗艦店Jordan 8 Wellington，記者當然唔執輸即時去探個究竟，睇下有否機會標個尾糊。雖然人間滿希望，但現實多是事與願違，店員一句：「賣晒。」希望又再幻滅，昨日是否真的大貨番過亦沒再追究。而就Facebbok各位的晒命照所見，今次AJ XI的中籤率的確比之前高很多，偏炒價方面亦明顯比上幾對AJ XI低，網上一般約$2,200左右有交易，比原價$1,599仍有約$700水位。
而雖然昨日無功而還，但能逛一逛位於中環的亞洲首間及最大JORDAN BRAND旗艦店亦總算不枉，店鋪面積相當大，有近4,000平方呎，除了處處佈滿籃球之神的偉大成就，全店更以極霸氣的金色為主題，不得不看的還有1至29代的金色AJ，比起記者在芝加哥看過的紅色系列和三藩市的白色系列都要精彩！還要記得一試店中的互動試鞋區，試鞋後可根據屏幕上播放的比賽錄影和示範做出動作，再跟據動作選擇合適球鞋，但是會員限定，AJ迷記得登記做會員。可惜的是店鋪暫未讓傳媒正式拍攝，想睇想玩的AJ迷唯有親自去朝聖。
記者：韓繼聰