科技越嚟越先進，間間銀行都想同FinTech沾上邊，畀人感覺潮啲，信銀國際就推出咗個全港少有嘅指紋認證服務。
客人以後透過iPhone 6或iPhone 6s進入信銀嘅app，手指頭放上感應鍵，就可以check賬戶餘額、交易紀錄等等。
不過好多人驚有保安問題，信銀就話首次啟用都仲要打密碼、驗證碼等，同埋現階段個app只係用嚟查賬，而客戶資料只係會顯示部份出嚟，亦唔會有交易功能咁話。
呢排銀行密密推出新科技，渣打香港、富邦香港同埋東亞銀行（023）都有視像櫃員機，東亞好快會出埋「i利是」㖭，睇嚟人類就嚟活喺互聯網世界，多過現實世界喇。