復星（656）董事長郭廣昌傳出失聯才短短4日，本周初即「反高潮」現身在集團的年度大會之上，有內地傳媒更報稱郭的助查「經已結束」。市場口痕友不負責任地說笑，郭總能「破紀錄」如此火速獲釋，「可能係準備咗1TB嘅資料上繳畀中央囉！唔交番啲嘢出嚟，點走呀？」
內地民企老闆失聯、被查並不是甚麼新鮮事。曾浮出水面的有去年雅居樂（3383）的陳卓林、佳兆業（1638）的郭英成。至於那些沒被曝光的：如今年初某內房股老闆，「唔見咗」消息傳到一街都係，直到某美資行發報告，透露剛和該老闆在廣州「meeting」，市場立即心領神會，知他「平安歸來」，股價自動反彈。
另一消費股老闆，今年初因長時間留在香港，連公司trade fair都缺席，市場即傳出他返唔到大陸，股價受壓好幾個月。直至微博出現了他出席內地一公開場合的照片，大家又明晒，搞掂。芬佬朋友笑言，富商失聯的情況其實遠比你我想像中普遍，問題只係有無「咁啱」被人撞破而已。
所以今次郭廣昌現身，是否和以往一樣，反映一切都事過境遷？海迪唔敢講。不過，即使調查真的告一段落，復星都可能不再是以前的復星了。據Dealogic統計，復星今年上半年已斥逾500億元，進行了18宗海外收購，此舉不但令市場質疑公司的財務壓力，就連曾和復星合作過的banker，都坦言唔明白他們收購的strategy係乜。目前資本外逃是阿爺的「頭號大敵」，繼續政治不正確地大舉投資海外，又剛剛「助查」完，你話有無壓力呢？
海迪