港超聯球隊標準流浪,前日先簽咗個話同日本國腳本田圭佑一齊出道嘅29歲肥仔底日本防中齊藤誠司,點知一日唔夠,雙方就話分手!流浪總監李輝立噚日回應,話齊藤喺九龍灣練波,點知未練完已經話自己隻腳損晒,之後仲自己買機票飛返日本。有網友話今次流浪急簽外援再迅速分手係笑料一則,李輝立就解釋:「其實講真,香港球場配套真係好差,一啲踢開外國大球會嘅外援,梗係唔適應。」流浪喺港超聯七戰得三分,排緊第七位。