因手機及銷售風格均「向蘋果致敬」而有「雷布斯」之稱嘅小米老闆雷軍，噚日喺浙江著名水鄉烏鎮度過46歲生日。但佢唔係去玩，而係參加第二屆世界互聯網大會。佢喺北京嘅一班同事好有心，知道佢要去烏鎮開會，預早一日喺北京總部幫佢慶祝，循例當然會吹蠟燭食蛋糕，仲有女同事送花。
雷軍12月16日生日，人馬座，呢個星座出生嘅人崇尚自由、追求速度嘅感覺，生性樂觀，是享樂主義派。世界互聯網大會嘅現場嘉賓，當知道雷軍生日時，都以掌聲為佢賀壽，佢話今年生日願望，係希望「創業很舒服很開心」。
話明「壽星仔」大晒，大會揀咗小米Note成為大會指定手機，網傳國家主席習近平都試玩過小米有份投資的九號平衡車，盡力幫小米做宣傳。呢兩份咁特別的「禮物」，唔知雷軍會唔會覺驚喜呢？