上月至今共五次夜馬賽事，方嘉柏次次有馬贏，好似上周三便有「力闖」勝出，可見這位練馬師專吼夜賽出擊，今期(16日)方廐出馬四匹，其中「澤心星」及「皇者拍檔」俱於上仗上名，有力替馬房延續夜賽連勝紀錄。
第七場三班1650米之「皇者拍檔」上仗後備補出參賽，配湯智傑仍能拼入一席季軍，乃季內首度上名，反映經過連番熱身後，已漸入佳態。睇番此駒上季首次上名後，翌仗立即贏馬補中，證明本身好開就好。今次跑番上季兩戰獲一勝一位之谷草B欄一哩賽，有力打開今季勝門。
至於第八場三班1200米之「澤心星」堪稱谷草專才，六次在快活谷上陣，取得兩冠一亞兩季一殿未失前四名，上仗只不敵大熱門「越感」敗不足辱，今次強手已去，坐位望贏應可輕易做到。