英格蘭殿堂級前鋒舒利亞喺𠵱家踢緊英冠嘅布力般流浪，雖然只係效力咗四季，但就喺1995年幫球隊贏過一次英超冠軍。布力般市議會為咗表揚舒利亞嘅成就，將其中一條街命名為「阿倫舒利亞道」，日前舒利亞仲專程去布力般，將佢條街進行揭幕儀式。現年45歲嘅舒利亞話：「我冇諗過有條街會用我個名命名，對我嚟講係莫大光榮。同時，我亦好開心可以返嚟布力般。」