今時今日，梁班子仲嚟硬橋硬馬？學吓駐港解放軍搞軟銷啦！20幾名駐軍官兵噚日操咗去香港仔聖文嘉中英文幼稚園展開「關愛幼童」活動，官方新華社話呀，呢班官兵除咗向小朋友送禮物，仲同佢哋一齊遊戲、唱歌、製作手工㖭喎！
據報幼稚園一早安排擔任鼓樂隊嘅小朋友喺門口列隊歡迎官兵到訪，三位小旗手仲手持五星紅旗進場，喺國歌聲中舉行升旗儀式。呢班駐軍官兵其後同小朋友一齊製作禮物，原來準備喺22號冬至，一齊去敬老院做「聖誕老人」。
八方發現，女兵見到呢班小朋友，似乎特別高興，出晒力同佢哋唱歌玩遊戲，𠱁得小朋友好歡喜。