【本報訊】「我𠵱家已經冇晒顧慮,希望自己嘅故事可以感染到香港人」。在2012年加入海關的Mike,見識到不少公務員文化。早前更因在facebook上揭示關員的「不明文規定」被要求停職。
Mike表示,部份關員會避免截查「老弱傷殘」及「嬰兒產婦」。「萬一查到佢有嘢,又冇錢交罰款,就要會面、攞文(落口供),其間又要照顧個BB。」不少同事為怕麻煩,寧可視而不見。
Mike試過當值期間欲截查一個拉着BB車的旅客,竟即被同事責備「你唔好搞事啦」,「最後我都照截,結果查到BB車入面有大量私煙,我覺得呢個係我本份」。
遭言論欺凌
Mike又指海關內部也有世代之爭,「後生啲嘅好多都支持我」,年長一批則有不少是「藍絲」。「喺休息室睇新聞,見到警察打示威者,可以睇到大叫『打大力啲,打死佢』,佢係唔係冇腦?」早前他被起底,不時被同事言論欺凌,「特登走過嚟講,『你做乜返工?唔去示威?未俾人拉咩?』」
被解僱後,他嘆息香港越來越令人窒息,「原來扮型要有代價㗎,而且一啲都唔型,只係嚟講番句正常人講嘅嘢啫」。惟他又指,「自古以來都要有人企出嚟為公義發聲、抗爭,社會先至會有改變。」會繼續堅持做自己認為是正確的事。
■記者梁御和