【慘過海嘯】
豪宅交投一池死水，九龍站代理首當其衝，駐紮在柯士甸道一帶代理大呻「就快餓死」，業績慘過金融海嘯。目前主攻九龍站物業的代理多達500人，以本月至今天璽、凱旋門、擎天半島、漾日居、君臨天下及港景峯6個屋苑僅2宗成交計，平均250人爭一張單。目前處理九龍站物業買賣的地產代理舖集中在彌敦道以西一段柯士甸道，連同港景峯商場內的分行，該段路現時上有超過25間代理舖互相競爭。
業主持貨力強不願減價
區內代理解釋，「九龍站業主持貨能力咁強，做乜要主動減價！就算之前話高鐵可能爛尾，都鋤唔到佢哋價」。買家眼見樓市轉勢，還價幅度越來越大，令經紀難促成交易，「除非個客肯帶張票去同個業主坐低傾，都可能減少少。如果唔係你鋤佢價，佢理都唔理你。
回想2007年九龍站豪宅陸續入伙，最熱烈的10月交投量達300宗，八年後的今日，成交量只剩當日的一個零頭。區內租務成交亦未見起色，本月暫錄約40宗，有代理說：「Austin兩期係有百幾個放租盤，但租客係得咁多，多咗供應都無用㗎！」