最近股市氣氛不濟，除因為美國就快加息，仲有美國垃圾債市告急，美資投資公司Third Avenue上周四突然宣佈禁止贖回旗下高收益債券基金，之後陸續有其他公司宣佈暫停投資者贖回旗下高收益債券基金。
搞成咁樣，Third Avenue行政總裁（CEO）巴斯（David Barse）翌日就收到大信封。聽聞，Third Avenue做得好絕，完全跟巴斯劃清界線，叫咗公司大廈保安，直情唔畀巴斯進入大廈範圍。
Third Avenue網頁亦鏟走晒巴斯嘅資料，有外國記者想用電郵搵巴斯，問佢有關今次風波，全部電郵都「未能送出」，原因係公司已經刪除咗巴斯嘅電郵地址。美資公司要同員工割席，認真割得好快手。