究竟係耶耶托尼勁,定非洲近年冇人才呢?非洲足協日前宣佈今年度非洲足球先生嘅最後三強,分別係曼城嘅科特迪瓦中場耶耶、史雲斯嘅加納中場阿休,同埋多蒙特嘅加蓬前鋒奧巴美揚。由2011年起,耶耶已經連續拎咗四次非洲足球先生,同伊度奧睇齊,若果佢今年又贏的話,就會創紀錄成為史上首位五奪非足先生嘅球員。頒獎禮會喺下個月七號舉行,到時就知耶耶破唔破到紀錄。