對股齡較長投資者，昨日恒指相隔31年再創「9連跌」，可能會勾起不愉快回憶。31年前、即1984年，正值港英政府與內地討論1997年回歸安排最後階段，香港人心惶惶，恒指「反映現況」，投資者「要錢唔要貨」，港股「越跌越低」。31年後再現「凶兆」，基金界今年回報「凶多吉少」？
致電基金界朋友，他「哈」了一聲後說：「今年真係好差，就算穩穩陣陣嘅長線基金，若果主打買大陸嘢，今年平均回報大約係負2%，若果主打買香港嘢，就負1.6%左右……若果計埋晒長、短及中型基金，個平均數嘅上下波幅度就大啦，買香港嘢嘅基金，上下波幅係負7.3%至正1%，買大陸嘢就勁囉，上下波幅係負21%至正15%。」
對沖基金如何？友人笑一笑，說︰「上下波幅係負20%至正40%，造成咁嘅結果就係有無重槌投資計唔到數嘅中國概念股，同理買咗幾時抽身唔再玩，今年表現同眼光無關，同賭性幾強有關。」
1984年恒指還有「11連跌」紀錄，不會一次過也打破吧……
密西比