24歲台灣演員王大陸因拍完《我的少女時代》爆紅，但隨之而來係不斷嘅負面新聞，好似話佢唔飲水思源，要同柴智屏解約，又話佢靠富爸爸捧紅，一心一意去中國發展。
不過王大陸似乎對強國姑娘都幾有興趣，之前被挖出2012年曾經同大佢10歲嘅上海姑娘邢珮宸曾經交往，前晚就又有一位強國少女梁盈喺fb貼上同王大陸嘅貼肩照，仲寫上:「其實每人身邊都有屬於自己的小幸運，要多發現自己的小幸運，珍惜(愛心)Thank u」嘩，仲要tag埋王大陸，莫非又好似城城咁微博晒愛?
網友係咁追問，呢位梁盈半夜又刪咗張相話，再開Po解釋話之前喺香港嘅便利店唔小心跌咗個袋落地，證件等一地都係，王大陸就係身後幫佢執，佢先話王大陸係佢嘅小幸運喎，不過幫手執嘢萍水相逢都可以咁親密影相，王大陸真係好「親切」，而呢位國產女po相就唔係正正經經講過事發經過，係要寫啲咁曖昧嘅字句，難怪網民都鬧爆佢:「想紅想瘋了吧」、「心機婊」、「tell me why你要搞得像公布戀情一樣？」