近年唔少特區政府嘅退休高官都北上置業，一係用嚟投資保值、一係當度假屋放假時去鬆一鬆，八方發現，中山係其中一個高官退休俱樂部。最近行政會議成員羅范椒芬都入咗貨喎，但就唔係中山而係珠海，羅范原來喺10月5日更新咗行會利益申報表，申報喺珠海買入咗一個物業，而呢個物業，明年年尾先至落成。可惜佢冇申報埋係邊個盤吖，搞到八方想跟佢入貨都冇行咯。連同喺灣仔區嘅一個自住單位、以及喺中西區嘅一個出租單位，羅范手持3個物業，都算唔嘢小。
羅范同時喺本月7日更新一項個人資料，就係擔任「大唐西市絲路控股投資有限公司」獨立非執行董事，並註明呢間公司嘅業務係「文化」。