嫌學聯hehe孖寶周永康同岑敖暉過氣？唔緊要，政壇又有一對hehe孖寶登場咯！
話說新華社亞太總分社有份主辦嘅第二屆東盟發展論壇噚日舉行，特首梁振英係貴賓，獲邀到場致辭。但CY講啲乜，完全唔重要，皆因當場有一幕嚇到大家有啲呆，就係新華社亞太區香港分社社長俱孟軍，眾目睽睽下蹺住CY隻手噃，而CY就好欣然接受喎。
能成為密友大概總帶着愛，唔少網民都被呢一幕打動，紛紛高唱「喜歡你，那雙眼動人，笑聲更迷人」，有人更加心水清，留意到佢哋兩個連啲衫及呔都襯到絕，係喎，粉紅色㗎噃，但都有人留言對此大叫「啋啋啋」。