沒有黨，一樣可以贏出選戰。今屆區選政黨不再是選票的保證，區選前退出民主黨的麥潤培（麥仔），於沙田利安獲得近4,000票當選成為區內票王。麥仔更與幾位有退黨「歷史」的區議員組成「新退黨同盟」，包括曾先後退出民主黨、新民主同盟的容溟舟。兩人昨日接受《壹錘定音》訪問，稱退黨後資源減少了，但自由度更大。
對於前所屬政黨是否日漸老化，他又有何建議，麥直言「換咗個主席佢啦！解決晒所有問題」，更不諱言「佢（劉慧卿）成日都講新舊交替，咁咪交替咗你先囉」。
今年9月麥潤培因為不獲民主黨支持參選，最終選擇退黨。麥仔憶述事件開端，他認為是因在去年選黨主席時，沒有投劉慧卿一票，「我今次就冇投到（劉慧卿），所以咪搞到咁，俾人踢咗出嚟，話我唔聽話」。麥仔又指在投票翌日收到高層的「溫馨問候」，「今次我扮有投（劉慧卿），但俾人查到我投咗畀胡志偉，所以我咪走囉，佢哋連我投邊個都知」。但麥仔就拒絕透露高層姓名，「我記憶好短暫……講咗出嚟仲得了嘅」。
官員打聽「新退黨同盟」
麥潤培表示一些傳統政黨與民眾溝通的方法，令市民不再信任它們，「唔係開一個創意嘅部門就可以解決問題」。因此麥仔早前聯同4名當選的獨立人士，組成「新退黨同盟」，既希望帶新的思維到社區，亦希望集結力量。由於同盟在沙田區議會有5票，近日已有官員打電話探問他們成立的情況。麥潤培認為，現時民主黨最大的問題，源於主席劉慧卿，「換咗個主席，可能會有新衝擊，咁睇吓區諾軒做主席可能會好啲，起碼有啲新人事新作風」。
對於麥潤培指民主黨中有人知悉各黨員投票取向，民主黨總幹事林卓廷回覆《壹錘》指黨內投票一向都以暗票形式進行，因此不明白為何他有此說法，更指他對選舉過程有疑問，應該在離黨前提出。至於卿姐退位會否讓黨有更好更替，林卓廷就指尊重選舉結果，歡迎有志擔任主席的人參與選舉。
妙法化解蛇齋餅糭
離黨後，麥潤培透露曾經有黨內前輩指他「冇民主黨一定輸」，但結果他卻高票當選，「我可以斗膽話，我喺3歲到80歲之間都有做過嘢……最主要係可以迎合到居民嘅要求……我搞手機班，一年內已經畀咗700個人（參加），對象係婦女、老人家」。面對蛇齋餅糭的追擊，麥仔指不構成對他的威脅，「佢哋派雪梨，我喺隔籬派環保袋畀佢哋裝啲雪梨，出到嚟居民係多謝我哋囉。我哋冇資源，就要諗一個方法，去攞埋佢哋嘅資源」。
與麥潤培合組「新退黨同盟」的容溟舟就指勝出秘訣是「心」耕細作。他又稱讚麥仔對街坊非常細心，「佢扮超人去洗樓」。麥仔補充這次是因為答應了街坊的兒子，「有一次我家訪，佢父母同我投訴，個仔唔肯做功課，而佢又着緊蜘蛛俠衫，所以我咪話你唔乖，會有超人打你。但我第2日，因為有嘢做冇去到，後嚟知道小朋友好失望。所以之後專登放假着住超人衫上去搵佢，𠱁佢開心」。
展望來屆的議會工作，容溟舟和麥仔都表示在地區議題上，會以是其是，非其非的態度，不會有門戶之見，希望可以幫助更多的居民。
■記者黎千銘
壹錘專區
星期一至五黃昏
6時直播
《壹錘定音》收睇/收聽方法
1:手機App
《蘋果動新聞》手機App右上角有【壹錘定音】icon，一按即聽；按左上角icon，彈出【壹錘定音】選項，一按即睇。
2:網頁
http://www.hammerout.hk/
直播PHONE IN：2992 3333
WhatsApp 留言/報料：9132 3813