於13年當選港姐亞軍的蔡思貝最近捲入虛報學歷醜聞，她被指透過國力書院報讀菲律賓比立勤大學並極速完成學士學位，再以相關學歷申讀美國一間大學的碩士課程；其母涉替女兒隱瞞學歷寫推薦信。蔡思貝對事件既不承認也不否認，警方已正式介入調查國力書院。蔡思貝昨日在沙田出席活動時仍笑着面對，還在台上分享自己在11及12年間在德國讀書時過白色聖誕，表示十分懷念。
繼續「唔回應」
虛假學歷分分鐘要負上法律責任，被問到擔不擔心？蔡思貝一貫答案：「唔回應。」可知警方已介入調查？她說：「唔清楚，冇聯絡過我。我嘅宗旨係努力工作，知自己乜嘢方向，我都同媽咪講自己識照顧自己。」會否擔心媽媽涉作虛假陳述會受牽連？蔡思貝一臉沉重說：「佢哋都OK，返咗嚟香港。其實都冇乜特別，我都唔知道係點，佢哋去完旅行開心返嚟就OK。」問她有否跟媽媽溝通？她說：「冇特別溝通，冇乜好講。」
對於早前慧妍雅集會長陳法蓉勸告蔡思貝，如沒有虛報學歷應將事件解釋清楚，蔡思貝未作正面回答，只說：「如有時間出席慧妍活動見到面會同佢傾，睇吓幾時，但實在冇時間出席活動，要開工拍劇。」可擔心影響港姐形象？她說：「呢啲冇辦法。」是否已作最壞打算？她說：「我冇諗。」
另外，蔡思貝透露聖誕節要開工，未準備禮物給男友麥秋成，有人提議她織愛心頸巾，她高呼：「咁老土，細個就會織手繩。」
採訪、攝影：卓寶花