在今屆區選本土勢力抬頭，社民連候選人全軍盡墨，傳統激進民主派出現一種被邊緣化的現象，早前組織的靈魂人物梁國雄（長毛）更被年輕人包圍，要求向版權修訂條例展開拉布。究竟社民連的抗爭路線是否已走到盡頭，被本土勢力搶盡票源？
黃浩銘、陳德章、鄧美晶和周嘉發，4位社民連年輕候選人接受《壹錘定音》訪問，總結選情表示，雖然四人都在區選失利，但得票都比上屆多，每人都各有逾千或近千選票，例如黃浩銘就盡得2012立法會選舉該選區民主派選票，令他們對立法會形勢相對樂觀。
年僅23歲的周嘉發，畢業於香港大學，中學就讀傳統名校喇沙書院，形象與社民連格格不入，但卻被其理念吸引，「我個人可能真係心繫基層，比較『左』一啲……讀書嗰陣，你會接觸到唔同階層嘅同學，見到社會唔似我嗰區，個個都係咁富裕，覺得社民連可以為社會提供出路」。
畢業後，周嘉發全身投入區選，最終在又一村不敵自由黨李梓敬，但周嘉發無悔加入社民連，「其實每過幾年都有新嘅諗法興起，08年會講『地產霸權』……𠵱家最主要講『本土』，的而且確會吸引到一啲年輕人，但政黨要堅持自己立場，唔好隨波逐流。社會問題個關鍵係經濟方面嘅剝削、政策失誤，而唔關種族事」。
相比周嘉發，26歲的鄧美晶已經是第2次參選區議會，雖然以過千票落敗，但她滿意自己的成績，「對手比上屆流失咗百分之六嘅選票，佢做咗廿幾年，我成績都唔錯㗎啦」。
堅持原則 無懼本土派挑戰
2010年「五區公投」觸發了鄧美晶對政治的興趣，後來有感香港制度的不公義，於是加入社民連。鄧美晶認為「香港人優先」是個假命題，「乜嘢係香港人？梁振英係咪香港人？李嘉誠係咪香港人呢？我哋（社民連）睇係一個階級嘅問題」。
在預算案諮詢擲蛋誤中財爺曾俊華而入獄的陳德章，英皇書院畢業後留學美國華盛頓大學，名牌背景的他卻自言被長毛影響甚深，「04年長毛當選嗰陣，我已經好崇拜佢」。對於早前長毛被市民圍，陳德章指長毛身為代議士，市民有權質詢他，但必須基於事實，「當日唔知係咪市民嘅人用一啲唔係事實嘅指控去誣衊佢，話佢唔拉布、唔抗爭，但呢個絕對唔合理」。
而第2次出戰瀝源選區的社民連副主席黃浩銘就以300票敗給對手，「唔夠贏嘅原因係始終社區嘅網絡做得唔夠，呢個同我花幾多時間去做有關係……去帶啲公公婆婆去旅行，搞一啲興趣班，我唔係好擅長」。
對於社民連將來的路線，黃浩銘承認本土是潮流，「而家最潮邊個呀？我梗係揀青年新政跟游蕙禎bb啦，唔通跟黃浩銘咩」。但他始終堅持關顧低下階層的立場，「例如我哋講嘅標準工時、全民退休保障，或者大量增建公屋，呢啲絕對係關心香港人」。
今次區選滑鐵盧，並無打擊一眾社民連年輕黨員的信心，對於來年舉行的立法會選舉，黃浩銘以一句「好戲在後頭」來回應。
■記者黎千銘
壹錘專區
星期一至五黃昏
6時直播
《壹錘定音》收睇/收聽方法
1:手機App
《蘋果動新聞》手機App右上角有【壹錘定音】icon，一按即聽；按左上角icon，彈出【壹錘定音】選項，一按即睇。
2:網頁
http://www.hammerout.hk/
直播PHONE IN：2992 3333
WhatsApp 留言/報料：9132 3813