【本報訊】無綫《萬千星輝頒獎典禮2015》昨晚舉行，黃秋生憑《梟雄》首奪視帝，胡定欣亦憑《鬼同你OT》首奪視后。黃秋生上台領獎時不忘為梅艷芳獎座近日被拍賣抱不平：「其實我有啲好重要嘢想講……傳聞我攞咗個獎然後掉咗去，其實個獎仲喺屋企，今日得獎非常高興，聽講真係金，我會搵個櫃裝起佢。過去個星期有啲獎拍賣緊，真係唔開心，所有藝人演員獲得嘅獎座，唔止係自己努力咁簡單，仲代表其他人嘅努力，應該好珍惜同受尊重，希望將來所有演藝人，以後都為我哋嘅專業同尊嚴繼續努力奮鬥。」
派家鄉雞被轟植入廣告
胡定欣上台領獎時激動落淚說：「我知呢部劇我有好多進步空間，下年會同一班底再開，我會出盡二百分努力去做。」最佳劇集為《梟雄》，《大時代》獲選最受歡迎經典劇集。此外，陳展鵬和田蕊妮分別奪得最受歡迎電視男、女角色，最佳男、女配角分別為韋家雄和姚子羚，而洪永城和演技劣評如潮的陳凱琳，昨晚分別奪飛躍進步男、女藝員。昨晚頒獎禮中派發肯德基家鄉雞給藝員，明抄去年奧斯卡金像獎頒獎禮送薄餅外賣，被網民鬧爆加入植入廣告。