我最近去過東京，東京有兩個公園好靚，這個時候去都好靚。（老師批：「都」字多餘，「好靚」太快重複，用詞貧乏）。我專登行過去東京大學。那晚我去到，個湖邊好靚，夜晚睇星好靚，紅葉影住的燈好唔同，好值得去。（老師批：描述重複累贅，形容淡出鳥來，無法正確描繪環境氣氛。屬低手劣作。）
介紹同學們，去日本一定不要搭的士，一定要搭地鐵，一定要去超市。我上次去，買了六本雜誌，你會覺得好有趣，好刺激。（老師批：太不對路！買雜誌有多刺激呢？）
還有，吃最正！真的好正！有一次去新宿，食放題，好正，任食！（老師批：讀完幾個「正」，讀後感相反，完全無法引起食慾。假如是食評，一定肥佬！）
而第一次去日本，我在車廂內望住穿制服的學生，我慢慢講，就溝通到，加上身體語言，還有google翻譯，幫到不少忙。（老師批：到底溝通了什麼？是比較港日的小三學生每天操卷多少個鐘頭？在香港，局長寧願去東京任食放題，幾時先會在地鐵車廂出現，跟小學生同聲同氣，唔使翻譯，慢慢傾？）