港台節目《城市論壇》噚日嘅主題係版權條例修訂，民建聯陳鑑林喺台上發言，副主席周浩鼎Holden（圖）則喺台下做觀眾，原來佢預備咗一啲同個黨唔同嘅意見發表，可惜苦無發言機會，原來佢大膽到話泛民其中一項修訂可以接受。
Holden話喎，覺得現行政府嘅修訂加入咗諷刺及時事評論作為豁免係好事；但如果網民依然有憂慮，政府應採納意見，認為其中一個泛民嘅修訂可以接受，就係改用fair use（公平使用）原則決定豁免。佢話呢個模式喺美國、新加坡同南韓等國家使用，較為寬鬆，至少非牟利嘅認真翻唱應該唔會誤墮法網。嘩，同黨團及政府唱反調，唔怕家法處置咩？Holden話佢作為法律界一員，應從專業角度考慮喎。