【本報訊】說起港漫，你會想起甚麼？推銷英雄主義？美化以暴易暴？浸大視覺藝術院副教授黎明海指出，這或是港漫的一部份，但肯定不是全部。
推動港漫納入課程
「從學術研究角度，功夫港漫有時代意義，六七暴動係轉折點，之後政府強調本土，籌辦香港節，香港人渴望有一個鋤強扶弱嘅英雄，《小流氓》受歡迎，係時代產物。另如70年代另一漫畫刊物《臭香港》（圖），總數只有5期，透過漫畫反映社會問題，包括當時好多主流報紙唔敢寫嘅貪污、暴利，都係透過淺白渠道，為公義發聲。」
除為港漫著書立言，早於2000年，教委會實行課程改革，時任教育學院體藝學系主任的黎明海，已銳意提倡於香港視覺藝術科課程加入本地流行文化的元素，又編著《香港流行文化與視覺藝術教育》一書，推動「香港漫畫」成為課程一部份，「這之前，視覺藝術科唔係梵高就係畢加索，完全冇本地元素」。他親身到學校解釋新課程摘要，愚公移山，破除「未睇先判」的偏見，熱血教授對港漫的熱情，早有迹可尋。
■記者呂麗嬋