上海迪士尼樂園有望喺2016年春季開幕，園區主要由六大主題組成，「寶藏灣」是全球迪士尼樂園中唯一以海盜為主題的園區，更有迪士尼版十二生肖「十二朋友園」及主題酒店反斗奇兵酒店，雖然國貨迪士尼質素係要打番少少折，但筆者覺得迪士尼品牌效應仍然有佢嘅吸金能力。筆者留意到香港傳媒仲未為上海迪士尼作宣傳推廣，迪士尼概念股亦未被市場炒起，筆者覺得大家可以趁近排港股調整買入迪士尼概念股做足準備。
迪士尼概念股有咩好選擇？筆者最睇好上海機場集團（60009.SH）嘅前景，集團主要資產為上海浦東機場及虹橋兩大機場。公司收入來源包括航空性業務收入（飛機起降費、旅客服務費和機場費）以及非航業務收入（包括廣告、零售等特許經營收入和租金停車費等）。迪士尼開幕後，多咗人去上海，當地機場會直接受惠於旅客數字及客運量增加，收入一定會增多。
隨着上海自貿區、迪士尼、上海國際旅遊度假區的建設落成，龐大的客運量需求已促使浦東機場啟動候機廳、跑道等方面的擴建工程。2015年上海機場集團斥200億人幣進行浦東機場三期擴建工程，未來旅客輸送量能力由6,000萬提升到8,000萬人次，絕對有前景。
另一隻筆者睇好嘅就係東方航空（670），因東航的樞紐中心建於上海，受惠國內外到上海航線需求上升，東航收入必然會增加；加上東航與迪士尼進行全面戰略合作，開發綜合旅遊度假產品同埋進行聯合推廣，東航係上海迪士尼開幕後最受益嘅內地航空公司。
窮小子相信喺上海迪士尼開幕前哪段時候，上海機場集團及東方航空股價一定會飛！
窮小子
https://www.facebook.com/poorguyfans.hk/