「Good Morning！我買咗日本咖啡，大家可以隨便沖！」「做乜Mary姐咁神采飛揚嘅？「仲使問？緊係佢𠱁掂佢男友Charles幫佢畀首期啦！」
行政部大管家Mary姐每日返工有九成時間都係黑面。今日突然心花怒放，難免引起同事猜測。雖然Mary姐平時成個大姐款，但她曾經因為家庭問題，導致買樓大計功敗垂成，結果被地產代理和業主連環單打兼羞辱，所以Mary姐一直努力工作。另一方面，亦努力尋找一個能替她支付首期買樓的男友，雙管齊下，冀盡快置業。
「不過美國就快加息，政府同班專家話樓市有下行風險呢，假如Mary姐𠵱家先入市會唔會變做樓蟹㗎？」「係囉！其實Charles人又好又有幾層樓，將軍澳間千呎新屋都同Mary姐一齊住，Mary姐根本唔使煩安居問題。」
Mary姐自幼失去雙親，求學時期都是半工讀養家，投身社會五年內還清六位數的家庭負債，從來只信自己。為了買樓，Mary姐做足功課，深知香港樓市四十年來升多跌少，也了解政府不會重推租務管制，租樓只會幫業主供樓。她見證着無所事事的二舅如何透過買樓變成小富翁；亦見證着勤奮上進的大舅縱然努力大半生，但因為沒有買樓而晚年潦倒，所以她一直相信長線持有物業對晚年有好處。
「你唔明㗎喇。以前就話養兒防老，𠵱家就係養樓防老喇！將來可以按層樓畀銀行，每個月收番筆錢養老，就算市建局或地產商要收購層樓，都好過租樓啦！」
聽罷Mary姐回應，似乎領悟了一個哲理。
地產小子
http://propertykids.blogspot.hk/