教育局局長吳克儉遊日睇紅葉歸來，興奮分享遊日體會，「日本好多嘢食，好正！」「食物好正！」「放題任食，好正！」「三餐食唔同食物，真係好好食，好正！」「咖喱豬扒好正！」……
用最簡單的文字去形容最複雜的感受，是一種境界。這種境界，之前我們在聰聰身上見識過。某次聰聰和他的女友心心約會，心心在情郎面前表現雀躍，試換新裝。聰聰被她的魅力傾倒，不斷地說，「好靚！好靚！好靚！真係好靚！寶貝你真的好靚！」有心人統計過，據說聰聰一連說了19個「好靚」。聰聰當然不是言詞貧乏，而是情到濃時，面對自己心愛的女人，只有最簡單一個字，才能表達他內心所有的震盪、激動、仰慕、渴望。當時當刻，一個「靚」字，敵得過千言萬語。
一個貌寢、平庸、幾近潦倒的中年男人，被一個富可敵國、亞洲最成功的名女人青睞，他對着她，一疊連聲說19個「靚」字，完全合乎邏輯。
堂堂香港教育局局長，去完一次東京，那份狂喜雀躍如同聰聰一樣，大腦變得空白，記憶庫中可用字句只剩下「好正」，唯一的原因大約是他瘋狂迷戀日本，恍如癡漢。奇怪他居然不去北京朝聖？
閉上眼睛，別看吳局長的臉，想像有個人用高八度聲音說「日本的放題係任食㗎，好多嘢食㗎，好正！」，你的眼前浮現出甚麼畫面？我眼前浮現的畫面是公屋酒樓內屋邨師奶的面孔。這畫面，好正！