莊思敏跟同門王宗堯日前隔空開火，她不屑對方從中作梗，差點令她接拍不成電影《導火新聞線》，莊思敏哭訴鬧爆王宗堯：「斷人衣食猶如殺人父母。」老闆蕭定一前日向莊思敏照肺，她昨與傅明憲在銅鑼灣出席慈善活動時，稱已解決檔期問題。
莊思敏前晚指不會辭演《導》片，王宗堯前晚即在facebook揶揄：「心機，都被糟蹋了…心情好差。」
莊思敏昨表示將於月底為《導》片開工，拍攝中的電影《PG戀愛指引》過兩日煞科，同時解決撞期和染髮問題，她認曾與蕭定一商談，全程冷靜沒喊。蕭定一可有打算為兩人擺和頭酒？她答：「冇需要，老闆冇咁嘅提議。」
莊思敏：佢唔想我做
對於王宗堯前晚fb的「有骨」留言，莊思敏直言有看到：「唔需要回應，唔需要對號入座。」莊思敏更指與王宗堯沒對手戲：「大家唔會見到，我只係客串做談判專家，戲份少過原先記者角色。」王宗堯似不想莊思敏客串，她說：「佢其實係唔想我做。」
王宗堯昨則在觀塘出席活動，否認被蕭定一召見，但會尊重老闆決定：「個後衞堅持要打前鋒，其他球員去配合去遷就，《導》片係大家心血，唔好再做新聞，唔想團隊再有是非謾罵，總之打好場波，唔好打假波。」宗堯卻謂兩人有對手戲：「叫佢返去睇熟劇本先啦，係有嘅！」莊思敏不滿被他斷衣食？宗堯反駁：「有啲網民話佢（莊思敏）集演員、多棲、多產，家底又厚，好難斷到佢衣食囉。」
採訪：王連連、曹家誠
攝影：陳慧安