年底有好多頒獎禮，包括大台嘅「萬千星輝頒獎典禮」同「勁歌金曲頒獎典禮」，咁年年賽果...網民一向都冇寄望嘅，不過高登仔今年忽發奇想，開po呼籲大家叫全家瞓身，兩個頒獎禮嘅獎都投阿姐汪明荃!
包括:
萬千星輝頒獎典禮
最佳女主角：《華麗轉身》汪明荃
最佳劇集：《華麗轉身》華麗轉身
最受歡迎電視女角色：《華麗轉身》華芳凝
最受歡迎劇集歌曲：《華麗轉身》主題曲 主唱：汪明荃！！
勁歌金曲頒獎典禮
勁歌金曲獎候選名單：汪明荃《華麗轉身》
最受歡迎女歌星候選名單：汪明荃
明明之前高登仔係咁話阿姐唱歌難聽喎，乜事180度大轉變呢？咁如果一個冇乜公信力嘅頒獎禮，與其來來去去都係頒俾嗰一兩個歌手，如果阿姐掃晒啲獎，個場面你都咪話唔壯觀呀。曲定直大家自己判斷，有報道問阿姐被網民熱捧喎，阿姐就認真回應話「總會有人熱捧」。