鄺佐輝癌病復發，經常與他夾Band的鄧英敏昨日在中環出席活動時，指兩周前曾到過醫院探鄺佐輝，透露當日對方狀態好，還哼了幾句歌，他說：「醫生同佢家人講要有心理準備，𠵱家佢飲嗎啡，飲完昏昏欲睡。我希望向天再借20年，我都有同佢屋企人講，生死交畀個天。」
至於吳浣儀與廖安麗昨晚探望鄺佐輝，二人昨與蔡子健、梁健平及林韋辰等在新蒲崗綵排藝進同學會的舞台劇《才子亂點俏佳人》，談到鄺佐輝情況，吳浣儀說：「佢行咗出病房同大家見面，佢好堅強，仲同我哋講聖誕快樂，要畀心機綵排，不過講咗幾句話好攰。」林韋辰亦說：「見佢越來越瘦都擔心，但師兄（鄺佐輝）係一個好樂觀嘅人，希望會好轉。」而薛家燕心情沉重的說：「我明白有時延續生命係受痛苦就更難過，好欣賞佢樂觀面對，希望佢喺呢段時間唔好受太多苦。」
採訪、王連連、張俊銘
攝影：沈健程
