早前爆出在無綫工作時壓力爆煲的前香港先生蕭家浩,他經過治療已康復,他繼續做演藝工作,原來他曾替兩日前被爆涉嫌騙人入股的永情婚紗做模特兒,警方前日拘捕涉案東主夫婦,至少有八人被騙合共約二百萬元。
蕭家浩昨在電話中說:「幫佢哋做model,人工好奀,車馬費最多一千蚊,有時會遲出糧。做熟咗又叫我拍膊頭免費影嘢,之後仲猛叫我介紹TVB王君馨同蔡思貝去幫佢哋影相,同埋叫人入股。」蕭家浩慶幸沒中天仙局,但他明年2月結婚的朋友就受事件影響。另外,跟無綫冇約的蕭家浩,昨與吳孟達為電影《導火新聞線》開工。
採訪:楊定