一年一度浪琴表香港國際賽事將於周日在沙田馬場隆重舉行，上季莫雷拉與大摩分別憑「威爾頓」及「步步友」勝出香港盃及香港一哩錦標，成功包辦國際賽孖寶，以上兩駒今年再由莫雷拉壓陣，誓要齊齊蟬聯錦標而回。
前馬王「威爾頓」堪稱田草2000米專家，歷來六戰同程獲四冠一殿一第五，包括去季勝出香港盃及香港金盃，上仗季內初出配田泰安跑1600米雖然落第而回，不過最後400米造出全場最快時間，應已試準後勁，熱身後即回配莫雷拉操刀，跑番首本之田草2000米，有力繼「加州萬里」後成為第二匹蟬聯香港盃之賽駒。至於「步步友」貴為上季香港馬王，實力不用懷疑，前仗負頂磅跑嫌短之1200米仍可單憑一條直路橫掃對手，已盡顯王者級數，上仗於馬會一哩錦標雖然只得第三，唔排除是留力在今戰重頭戲爭功，有機會重現馬王風範。