【投資另計】
恒地（012）2007年發售大埔比華利山別墅，邀請多名風水師包括麥玲玲及李丞責等介紹樓盤風水，麥玲玲當年稱住戶「必定越住越旺、發富發貴」，今日錄多宗蝕讓，麥玲玲回應，以地論地，該處風水仍然不俗，好風水是希望住戶住得平安舒服，旺丁旺財，「謝安琪、陳豪住咗入面幾年啦，好差咩？」
麥玲玲憶述，當年恒地投得該地皮後，邀請一眾風水師實地考察地皮，製作廣告前，多名風水師提供意見，「當時概念是希臘藍白小屋，拍完第一次片，隔咗兩、三年改動過，因為四叔（恒地主席李兆基）唔鍾意當時啲屋仔用藍色，唔夠吉利，佢哋叫嗰隻做『死人藍』。」
她堅持該地風水好，「風水好，係希望啲人喺入面住得平安舒服，旺丁旺財，唔代表層樓一定賺。就算西九龍、貝沙灣大家話好風水，但係咪大家都賺呢？反而將軍澳鄰近堆填區，地運唔好，又話填出來嘅地麻麻地，咪又有人賺錢。」
麥玲玲續稱：「比華利山別墅風水配對好，𠵱家好多明星住咗入去，好似謝安琪、陳豪住咗入面幾年啦，好差咩？黃浩（《都市日報》主席）咪喺度住。」
自住可吸收靈氣
她補充，據聞該處好多買家是內地客，不少蝕讓均來自投資者，「住緊嘅人住到個個幾好，投資齋擺反而多數輸。冇住，唔受地運影響，住，咁先可吸收靈氣嘛！所以投資同住真係兩回事。」