【本報訊】律政司司長袁國強日前就高鐵一地兩檢問題，研究將內地法例納入《基本法》附件三，引起輿論譁然。基本法委員會副主任梁愛詩表示，批評者不應在具體協議內容未公佈前，就認為一地兩檢會衝擊一國兩制，否則「乜都唔使做」，又強調「法律唔係行先，係政策行先」，她相信如此舉違法的話，政府不會執行有關條例。
指一地兩檢不違法
梁愛詩接受有線訪問時說：「你驚隻怪獸都要知道佢有角吖、會飛吖定點先得㗎嘛，都未做就話會違反香港法律、違反一國兩制嘞，知清楚係乜嚟先鬧喇。違反嘅話，我相信特區政府都唔會做喇，佢都要諗過司法覆核嘅時候企唔企得穩㗎嘛。」她認同，如果引入內地法例不屬國防外交或香港自治範圍外的事務，就「唔得囉」。但她又說：「法律唔係行先㗎，係政策行先㗎，幾時都係。」又指：「你咁擔心，不如唔要一地兩檢。」
香港大學法律學院教授陳文敏則認為，政府為實行一地兩檢而修改《基本法》，既未能符合附件三原文規定，亦會為《基本法》製造缺口，恐怕其他內地法例會陸續納入本港法律制度。
■記者梁佩珊