立法會前日審議版權條例流會收場，又發生垃圾桶爆炸事件，政圈流傳不少陰謀論，包括建制派有心流會、爆炸事件「真兇」未必是反立法人士等。有泛民議員稱，建制派有心流會之說未必成立，因政府早已知道當日建制派「防守」部署薄弱，更一度向泛民「求救」，但泛民未有理會，間接顯示特首梁振英及西環沒有「㩒掣」要求建制通過。
有泛民議員說周三開會前，商經局局長蘇錦樑曾私下向泛民政黨包括民主黨「求救」，指建制「班長」、民建聯葉國謙無法保證建制議員「坐夠人」，希望泛民政黨幫手，安排議員留守會議廳，但據知包括民主黨在內泛民「睬佢都儍」，未有理會。
建制未必有心流會
該泛民議員指，從蘇局長要向泛民求救，可見政府預知流會風險很高，亦早知建制派沒有足夠議員留守；建制如此鬆懈，未必代表他們有心流會，更大可能是梁振英及西環根本沒有「㩒掣」，「即係話梁振英、西環冇叫建制派一定要留守，只得蘇錦樑箍票，咁就梗係冇人聽佢講，唔係點會搞到佢要向泛民求救」。
至於垃圾桶爆炸事件，議員之間均認為未必是一般反對版權條例示威人士引致，「佢哋下星期仲要嚟示威，點會搞啲咁嘢，自找麻煩？」有建制派議員對泛民稱，相信是激進本土支持者搞出來，但該泛民議員更陰謀論指，不排除有人插贓嫁禍反立法人士，「搞單咁嘅嘢，邊一方係最大得益者？點都唔會係反立法嗰班人啦！」
季陶
周一、三、五刊出