騎士嘅勒邦占士（LeBron James），喺上周六作客熱火嘅常規賽冇落場，當時仲畀主場球迷笑佢攰得滯。不過美國傳媒《Page Six》周三就爆料話大帝完場後，即刻約咗班朋友喺邁阿密夜蒲。大帝攰唔攰就冇人知，但肯定佢幾孤寒；因為雖然佢年薪高達2,300萬美元（約1.8億港元），又啱啱同Nike簽咗份天價賣身契，但拉隊去蒲都冇請客，要同班朋友AA制。