【TSA爭議】
【本報訊】全港性系統評估（TSA）引發學校操練成風，激起家長群起反抗。多個家長團體昨趁教育局TSA檢討小組首次開會發通牒，控訴新一輪聖誕TSA功課殺到埋身，學生聖誕長假有等如無，促教育局聖誕前宣佈煞停明年小三TSA，否則會呼籲發起罷考。記者︰蕭洛汶
TSA關注組、爭取取消小三TSA及教育大同等多個團體，指TSA在學生操練下的成績是「假數據」，不反映學生能力。TSA關注組召集人何美儀稱，TSA推行十多年，一直沒公開交代數據用處，「選擇要數據，定係要健康孩子成長，佢（教育局）應該好清楚點選擇」。何指有家長透露，雖然早前有學校在TSA熱議下稍為減少功課量，惟子女近日陸續收到聖誕假期功課及補課時間表，「假期淨係做功課，同無放假一樣」。她指TSA功課量龐大，部份科目有兩、三本練習，又指部份功課雖表明學校制訂，惟內容實由坊間練習複印，「已經分唔到幾多係TSA功課」。
明日起擺街站講流弊
何指已去信TSA檢討委員會，批評委員會有討論前設，針對題目內容等技術改動不足，「咁係將個波推畀學校，造成家長同學校矛盾」。何美儀要求教育局送「聖誕禮物」，聖誕前叫停明年小三TSA再作全面檢討。若教育局堅持不停會呼籲發起「罷考」，「明知家長行到呢一步，係咪仲要浪費納稅人嘅錢去舉行呢？」
關注組成員何淑儀則稱對檢討委員會沒期望，「今日（昨天）第一日開會，之後放聖誕假，但１月尾就交到方案，係咪有既定立場？」又批評小組家長代表未能反映意見。關注組本周六起進行網上問卷調查家長看法，包括應否取消TSA，周六起一連三天會擺街站講解流弊。
教育局局長吳克儉昨出席一個高中生活動時繼續為TSA說好話。其中一名指TSA「唔辛苦」的中學生與吳交談時，吳表現興奮並向助理笑說：「同我錄低晒佢講啲嘢。」吳其後稱：「（TSA）係一個基本能力，應該就唔會有壓力，你練都練唔到。」又主動問學生：「點解𠵱家咁多人反對TSA？」有學生指可能因操練不着重思維訓練，亦有學生指TSA違反考試目的，考完試都不知道成績。吳回應稱，其實日本、南韓等地方都有TSA，只是模式不同。