熊黛林（Lynn）被前度郭富城拒認女友七年，現城城卻高調晒國產新歡方媛（Moka），幸好Lynn終找到Mr. Right郭可盈弟弟郭可頌。自城城爆出新歡後，Lynn昨首度現身中環出席公司Style加盟林建岳旗下寰亞記者會，着紅色deep V喱士裙的Lynn甜笑晒幸福，主動叫郭可盈做家姐：「聖誕會去旅行，之前家姐講咗，會去沖繩。」
「你晒得我又晒得」
有傳Lynn跟男友會在沖繩結婚，她說：「唔係，都未求婚。」還坦承首次跟男友家人去旅行，自己更是首度去日本。問會否應承男友求婚？她甜笑說：「睇吓係咪好齊全，花、戒指同跪地都有。」
問到男友是否Mr. Right？Lynn再甜絲絲說：「應該係啦，如果唔係唔會咁快公開。」已準備結婚？她點頭：「因為對方畀到我安全感。」前度缺乏安全感？她暗寸城城說：「之前幾段我太後生，唔係咁識拍拖，𠵱家呢個好成熟。」對於城城公開戀情，Lynn笑笑口寸：「一定睇到，日日都有新聞。」問到覺得兩人合襯嗎？她說：「自己開心鍾意就得。」提到Lynn在微博晒鞋相反擊，她否認：「冇乜反唔反擊，公眾地方你晒得我又晒得，開心就擺嘢上去。」對於被城城暗寸生活唔係戰場，唔需要一較高下，Lynn說：「冇話高唔高下，唔肯定自己幸福先會同人比較，我完全冇呢個需要。」現在好幸福？她晒命說：「睇笑容啦，講嘢言行睇到啦。」因為現在見得光？Lynn大笑：「哈哈哈！𠵱家舒舒服服唔使擔心講錯嘢，冇乜包袱，好似普通人拍拖咁舒服。」
採訪：羅慧敏
攝影：陳志嵐
9金句反擊舊愛
1.叫郭可盈做家姐：「聖誕會去旅行，之前家姐講咗，會去沖繩。」
2.認定男友郭可頌是Mr.Right：「應該係啦，如果唔係唔會咁快公開。」
3.暗示城城冇安全感：「𠵱家呢個好成熟。」
4.寸城城高調晒新歡：「一定睇到，日日都有新聞。」
5.微博晒鞋狙擊城城拖手相：「公眾地方你晒得我又晒得，開心就擺嘢上去。」
6.反擊城城「一較高下」論：「冇話高唔高下，唔肯定自己幸福先會同人比較，我完全冇呢個需要。」
7.自認好幸福：「睇得出唔使講，睇笑容啦，講嘢言行睇到啦。」
8.晒戀情見得光：「𠵱家舒舒服服唔使擔心講錯嘢，冇乜包袱。」
9.否認跟城城拍拖時有公主病：「哦，咁我真係唔知。」