fb周三公佈咗「2015年10大體壇巨星」排名，足球明星美斯同基斯坦奴朗拿度只得第四、五位，咁三甲到底係乜水？冠軍係今年退役嘅「不敗拳王」美韋達，佢最鍾意喺社交網站度晒命，畀人睇吓佢幾有錢，唔怪得吸引到咁多人討論；而喺今年「世紀之戰」輸畀美韋達嘅菲律賓拳王帕奎奧，就拎到第二。最近爆冷俾賀姆贏咗嘅「格鬥女王」露絲就排第三。