中環多OL返工，開女裝鞋店是常識吧。林小姐喺中環街市經營鞋店超過20年，產品售價由百零蚊至幾百蚊，相當大眾化，不過佢話喺度做生意，除咗搵錢，最大得着係識到班街坊朋友。
佢話唔少辦公室OL，工作唔如意時專登走去搵佢傾偈吐苦水；有時又只係路過打聲招呼，唔一定次次幫襯，但佢無任歡迎，「我們跟客人係街坊朋友，變成一個社交圈，如果唔畀我做落去，除咗失業，亦都係冇晒朋友。」
林小姐𠵱家每次翻開報紙，睇到有關中環街市活化嘅消息，就幾晚瞓唔着，擔心工程落實，所有心血就化作烏有。佢期望，市建局會保留舖位畀原有商戶，讓佢哋繼續經營呢類有人情味嘅小店。
不過，佢都明白，佢哋以短期租約經營，市建局落實啟動活化工程，畀3個月通知，佢哋就要搬走了。