《星戰7》即將上映，未睇過之前6集嘅你，可能會諗睇番前傳1、2、3集先？定係睇經典4、5、6集先好啲？其實網上都有好多唔同講法嘅，如果跟故事劇情推進就順序睇1、2、3先，但如果計電影推出時序就係睇4、5、6先。
Fans們對前傳，同經典三部曲都有好多唔同睇法，有啲fans就覺得前傳比起經典3部曲相對冇咁吸引。30年資歷《星戰》fans Edmund就覺得：「前傳3集太多CG喺入面，全部都係藍幕拍攝，冇實質道具，所以吸引力大減。」「點解佐治魯卡斯係一個創辦人，構思全部出自佢，反過來拍前傳會失敗呢？我會覺得佢唔係太適合做導演，比較適合負責構思和監製多啲。」而飾演天行者嘅演員Mark Hamill，十幾年前已經喺美國電視節目《Dinner For Five》話，希望有多啲挑戰性，想天行者入魔。
另外，可能好多人都聽過「May The Force Be With You」呢句《星戰》經典對白，其實「Star Wars Day」嘅由來同呢句經典對白都有關，取其諧音May The Force (May the 4th)，5月4號就係「Star Wars Day」喇。
第1集：【65歲全港最老白兵】斬阿爸手出於愛《星戰》譜父子情：人哋唔信我咁好魄力
http://bit.ly/1PXUpX8
第2集：【七大要素】點至算係《星戰》真狂迷？ 首先，你要有......
http://bit.ly/1lQRaUd